ل ناڤه‌ندیا به‌ریكانا دروستكرنا ڤاكسینێ دژ ب په‌تایا كورونایێ یان دیتنا چاره‌سه‌ریا كورونایێ، ل وه‌لاتێ چینێ تاقیكرنه‌ك هاته‌یه ئه‌نجامدان ل سه‌ر ڤیتامیین (C) و ئه‌نجامیێن وێ دلخوشكه‌ر بوون.
وه‌ك یا دیار لدیف پزیشكا كو ڤیتامیین (C) سسته‌مێ به‌رهه‌نگبوونا له‌شی زێده‌دكه‌ت و پارێزیت دژ ب گه‌له‌ك ڤایروسان، هه‌ر وه‌سا چالاكیا ئه‌ندامیێن له‌شی زێده‌دكه‌ت و دژ ب دانعمرێ دكه‌ت (الشیخوخه). و دگه‌ل ده‌ركه‌تنا ڤایروسێ كورونایێ، هنده‌ك پزیشك نوكه گه‌هشتینه ئه‌نجامه‌كى كو ڤیتامیین (C) دژ ڤایروسى َ (كوڤید – 19) دكه‌ت.
پوختا ڤه‌كولینا (30) پزیشكا ل سه‌ر (300) توشبوویێن كوروناێ ل نه‌خوشخانا (تشیان جیاتونغ) ل وه‌لاتێ چینێ. ئه‌ڤان پزیشكا پروتوكوله‌ك ئانكو رێگه‌كا چاره‌سه‌ركرنێ دروستكریه ب ڤیتامیین (C)، كو ده‌رئه‌نجامدا رێژه‌یا چاره‌سه‌ركرنێ زێده‌كریه و رێژا گیان ده‌ستدانێ كێم كریه.
كو پزیشكێن چینى د راپورتا خو ل سه‌ر ڤه‌كولینێ گوتیه، ئه‌وان توشبووێن كورونایێ ب ڤیتامیین (C) كو مادده‌یه‌كێ تیر شلێ ئاڤیه بو دانایه، ئه‌گه‌ر نیشانیێن سڤك یان دژوار هه‌بن.
و لدیف ئه‌نجامیێن كلینیكى كو دانانا ڤیتامیین (C) وه‌ك مادده‌یه‌كێ ئاڤى، ده‌رئه‌نجامیێن دل خوشكه‌ر هه‌بوون، كو پزیشك (ریشارد شینغ) ئه‌ندامێ ئه‌ڤێ گروپێ چاره‌سه‌ریا ب ڤیتامیین (C) یه، ژێده‌ر (مالپه‌رێ “هایلبراكسك” ئه‌لمانى).
و گوت، جونكه ڤیتامیین (C) ئاڤى ده‌ستناكه‌ڤیت، كو تنێ ب تاقیگه‌هیێن پزیشكى دهێته بكارئینان یان ل نه‌خوشخانا، پزیشك پێشنیار دكه‌ن كو مروڤ ڤیتامیین (C) به‌رده‌ست روژانه بكار بینیت.
هه‌ژى گوتنێ یه كو فێقى رێژه‌یا بلندا یا ڤیتامیین (C) تێداهه‌ى ئه‌و ژی ئه‌نه‌ناس، پرته‌قال، له‌یمون، و سندی، و هه‌روه‌سا بروكلی و گه‌له‌م رێژا هه‌را بلند د كه‌سكاتیا هه‌ى ژ ڤیتامیین (C).
