رێژا هه‌لسه‌نگاندنى هاریکاریا بكرى بو هەلبژارتنا جور و جهێن خزمه‌تكرن و فروتنا به‌رهه‌مێن خوراكى دكه‌ت، بو پێدانا پێزانینێن دیارکری دەربارەی ئاستێ پاقژییا کارسازییان، و هه‌ماهه‌نكى دگه‌ل لایه‌نیێن په‌یوه‌ندیدار.

رێزبه‌ندى رێژەیەکێ ددەتە کارسازییان ژ ژمارە پێنج بو سفر کو دهێتە نیشاندان ل جهێن وان، داکو بشێی پتر ب ئاگەهداری هەلبژارتنان بکەی دەربارەی کرین و خوارن ژ ده‌رڤه‌.

5 – ئاستێ پاقژییێ گەلەکێ باشە

4 – ئاستێ پاقژییێ یێ باشە

3 – ئاستێ پاقژییێ ب گشتی دەربازدبیت

2 – هندەک پێشخستن یا پێتڤییە

1 – گەلەک پێشخستن د پێتڤینە

0 – پێشخستنێن زوی د پێتڤینە

رێژە چ دیاردکەن

رێژە دیارکرنا ئاستێ پاقژییا خوراکی یە دهێتە دیتن دەمێ ئەزمونکرنێ دا. بەرپسیاریا کارسیازیانە بو رازیبوون دگەل یاسایا پاقژیا خوراکی دهەمی دەمان دا.

ئەڤەژی دگریت ژ:

  • برێڤەبرنا خوراکی
  • چاوا خوراک دهێتە ئەمبارکرن
  • چاوا خوراک دهێتە ئامادەکرن
  • پاقژییا ئاڤاهى و جهێن كارى
  • شێوێ سه‌ره‌ده‌رى كرنێ دگه‌ل ساخله‌میا خوراكى

پلانێن رێژەیا پاقژیا خوراکی پێزانینان ئامادە ناکەت دەربارەی:

  • کوالیتیا خوراکی
  • خزمەتکرنا بكرى
  • ژیریا ئاماده‌كرنا خوارنێ
  • پێشکێش کرن
  • ئارامى

تێگەهشتنا رێژا

رێژه‌ دیاركرنا ئاستێ پابه‌ندبوونا کارسازیانه‌ ب گشتی لسەر وان ئاستێن دهێنە دیتن دەمێ ئەزمونکرنێ دا.

رێژا هه‌لسه‌نگاندنێ هەردەم دهێتە دان بو وان جهێن فروتن و دابینكرنا خزمه‌تیێن خوراکى یان خوارنێ دكه‌ن وەکی:

  • خارنگەهـ، کافێ، مه‌ی خانه‌
  • خوارنێن بلەز، ترومبێلێن خوراکی (کوشکێن خوراکی)
  • کافیتیریایێن قوتابخانا، زانکۆ..هتد، هوتێلا
  • سوپرمارکێت و دکانێن دیێن خوراکی
  • قوتابخانا، نەخوشخانا، مالێن چاڤدێریکرنێ

فه‌رمانبه‌رێ ساخله‌میا خوراکی ژ لایێ دەستهەلاتا په‌یوه‌ندیدار حكومى کارێ ئەزمونا دکەت بو بەرچاڤکرنا دیڤچوونا یاسایێن پاقژییا خوراکی داکو خوراک زیاندار نه‌بیت بو خوارنێ.

دەمێ تاقیكرنێ دا فه‌رمانبه‌رێ ساخله‌میا خوراکی دێ سێ پارچێن داهاتی بەرچاڤ وەرگریت:

  • چاوا ب پاقژی خوراک دهێتە برێڤەبرن، چاوا دهێتە ئامادەکرن، پژاندن، دووبارە گەرم کرن، سارکرن و ئەمبارکرن
  • رەوشا فیزیكى کاری وەکی پاقژی، رێزکرن، روناهی، گوهارتنا باى، کونترۆلکرنا گیانەوەرێن خوراکی (مشك و جرد) و کارگێریێن دی
  • چاوا کار رێکێن ئارامییا خوراکی برێڤە دبەت، چاڤدێریا كارگێرى و دیڤچوونا زنجیرا به‌رهه‌م ئیناناێ، مه‌شق و راهینان، و دلنیابوون ژ سیستەمێ پاقژیا باش یا دهێتە پاراستن. پاشی فه‌رمانبه‌رێ ساخه‌له‌میا خوراكى دشێت ئاستێ باوەریێ دیاربکەت لدیف رێنمایا و به‌رده‌وام كاربكه‌ن د پاشەروژێ دا.

لێبوری

دوو گروپ د لێبورینە د کاری دا کو دهێنە ئەزموون کرن ژلایێ فه‌رمانبه‌رێ ساخله‌میا گشتى دەستهەلاتا په‌یوه‌ندیدار بەلێ مافێ رێژا پاقژییا خوراکی نادەنێ:

  • ئەو کارێن مەترسییا کێم لسه‌ر ساخله‌میا گشتى، بو نموونە په‌رتوكخانه‌، دەرمانخانە، ناڤەندا فروتنا ئێكسه‌ر پێش پوشیتكرى و پێتڤی ب ساكرن و به‌ستینه‌رێ نه‌بن
  • كارێ چاڤدێرییا تایبه‌ت بو زاروکان و مالان تایبه‌ت كاردكه‌ن

پیڤانا رێژەی

ئاستێ پاقژییێ دهێتە دیتن دەمێ ئەزمونێ دا و دهێتە پیڤان ب رێژەی:

  • 5 کو بلندترین پیڤانە رامانا وێ ئەوە ئاستێ پاقژییێ گەلەکێ باشە کو دیڤ یاسایێ چووینە
  • 0 کو نزمترین پیڤانە رامانا وێ ئەوە پێشخستنێن زوی دپێتڤیینە

بو بدەستڤەئینانا بلندترین رێژە پێتڤییە ب باشترین رێک کار بهێتەکرن د هەرسێ پارچێن هاتینە باسکرن بەری نوکە، ئەگەر بلندترین رێژە نەهاتەدان سەرباز دێ بو کاری شلوڤەکەت ئەو کریارێن پێتڤییە دشێن بکەن بو پێشخستنا رێژەیا پاقژییێ.

، هەر ئاریشەکا گرێدای ب ئارامییا خوراکیا کاری دشێت بهێتە راگەهاندن بو تیما ساخله‌میا خوراكى کو بەرپرسن ژ کاری.

ئەو کارێن رێژێن لاواز هەین

ئەو کارێن رێژێن نزم پێداین پێتڤییە پێشخستنێن زوی یان مەزن بکەن بو ئاستێ پاقژییێ، فه‌رمانبه‌رێ ساخله‌میا گشتى یا دەستهەلاتا په‌یوه‌ندیدار چەندین هەلبژارتنێن زوری هەنە و بەردەستن و دگەل دانا شیرەتان و رێڤەبرنێ بو پشت راستکرن کو ئەڤ پێشخستنە بهێنە ئەنجام دان.

فه‌رمانبه‌رێ ساخله‌میا خوراکی هەروەسا دێ بێژتە کاری کا چاوا زویترین دەم ئەڤ پێشخستنە بهێنە ئەنجام دان و ئەڤە دمینتە سەر جورێ ئاریشا پێتڤییە بهێتە چارەسەرکرن.

ئه‌گه‌ر فه‌رمانبه‌رێ ساخله‌میا خوراکی دیت کو ئاستێ پاقژییا کاری گەلەکا لاوازە و مەترسیەک دێ پەیدابیت بو تەندروستییا جڤاکی دەمێ خوراک یا ب زیان بیت بو خوارنێ، پێتڤییە کاربکەت بو پشت راستبون بو بکارئینانا وان یا پاراستییە دبیت ئەڤە بیتە ئەنجامێ راوستیانا پارچەکا کاری یان دائێخستنا کاری ب گشتى تاکو جاره‌كا دی ئارام بیته‌ ڤه‌.

دوبارەبوونا تاقیكرن

رێژەکا نوی دهێتە دانان هەر جارەکا کارەک دهێتە ئەزمون کرن ژلایێ فه‌رمانبه‌رێ ئارامییا خوراکی یا دەستهەلاتا په‌یوه‌ندیدار یا کاری.

هەر دەستهەلاتەکا په‌یوه‌ندیدار پلانا پروگرامه‌كێ ئەزمونان سالانه‌ هه‌نه‌. دوبارەبوونا ئەزمونان دمینتە سەر مەترسییا پەیدا بیت ل سه‌ر ساخله‌میا گشتى و تەندروستییا جڤاکی.

گرنگی دهێتە دان سەر ڤان ئەگەرێن خوارێ:

  • جورێ وێ خوراکا دهێتە بکارئینان
  • ژمار و جورێن بكرا بو نموونە گروپێن لاواز
  • جورێ کارێ دهێتە برێڤەبرن بەری خوراک بهێتە فروتن یان خزمەت کرن
  • ئاستێ پاقژییا دهێتە دیتن د روژا دوماهیک ئەزمون دا

ئەو کارێن مەترسییەکا بلندتر دیاردکەن پتریا جاران دهێنە تاقیكرن و ئەزمون کرن ژ وان کارێن مەترسییا نزم، ئەو دەمێ دناڤبەرا ئەزمونان دا دهێتە گوهورین ژ شەش هەیڤان بو وان کارێن مەترسییێن بلند هەین بو دوو سالان بو وان کارێن مەترسییێن نزم هەین. بو هندەک کارێن مەترسییێن وان گەلەک نزمن ئەو ماوێ دناڤبەرا ئەزمونان دا دبیت درێژتر بیت ژ دوو سالان بەلێ دبیت هندەک جیاوازی بو هەبن (ل هه‌ر وه‌لاته‌كێ جێوازى و تایبه‌تمه‌ندیێن خو هه‌نه‌ ل دیڤ پێدڤى، ژینگه‌هـ و كه‌لتورێ وه‌لاتى)

دناڤبەرا ئەزمونان دا دەستهەلاتا په‌یوه‌ندیدار دبیت ئاڤدەریا ( چاڤدێریا) کاری بکەن ب هندەک رێکێن دی بو پشت راستبوون کو ئاستێ پاقژییێ دهێتە پاراستن، ئەگەر ئەڤ دیڤچوونه‌ هەر تشتەکی دیاربکەن کو دبیت نیشان بدەت ئاستێ پاقژییێ خرابتر بوویە فه‌رمانبه‌رێ ساخله‌میا خوراكى دێ ئەزمونەکێ ئەنجام دەت و ئەو کار دێ رێژەکا نوی وەرگریت.

ئەگەر دەستهەلاتا په‌یوه‌ندیدار سكاله‌ك یان پێزانینەکا نوی وەرگرت دەربارەی کارەکی، کو نە ژ ئەگەرێ ئەزمونێ یە، ئەڤە وێ پێشنیار دکەت کو ئاستێ پاقژییێ نەهاتینە پاراستن، دەستهەلاتا په‌یوه‌ندیدار دێ لێکولینێ کەت و دبیت کاری ئەزمون بکەت و رێژەکا نوی یا پاقژییێ بدەتێ.