سالمونیلا چیە؟ و چاوا دێ مەترسییا ژەهرکرنا خوراکی کێم کەی؟

نەخووشیا (سالمونیلوسیس) “Salmonellosis” نەخووشیەکا بەکتیریایێ یا بەربەلاڤە کاردکەتە سەر کوئەندامێن خوارنێ، سالمونیلا بەکتیریا پتریا جاران د ئەندامێن ناڤخوی یێن مروڤان و گیانەوەران دا دژیت و ب رێکا پیساتییا دەستئاڤێ دەردکەڤیت، مروڤان دگریت پتریا جاران ب رێکا ئاڤ و خوراکێن پیس.

(سالمونیلا) کومەکا بەکتیریایێن بەربەلاڤن دبنە ئەگەرێ ژەهربونا خوراکی، پتریا جاران بەلاڤە دبن ب رێکا پژاندنا نەباش و پیساتییا لێک گۆهارتن. بەکتیریا سالمونیلا پتریا جاران دهێنە دیتن ناڤ:

  • گوشتێ خاڤ
  • گوشتێ په‌له‌وه‌رێن باش نە پژاندی وەک مریشک و عەلوك
  • هێک
  • شیرێ نەکەلاندی

زاروکێن ژیێ بچوویک و کەسانێن دانعەمر و مروڤێن بەرگرییا وان دروستاهی کارنەکەت پتر مەترسیدارن ب گرانی نەخووش بن ب ژەهربوونا خوراکی یا سەلمونیلایێ.

The NHS has more information about the symptoms of salmonella poisoning

چاوا بەکتیریا (سالمونیلا) بەلاڤە دبیت؟

بەکتیریا (سالمونیلا) د ژیت د ناڤەندا ئەندامێن چەندین گیانه‌ورێن خودانكرنێ لپروژاندا و گوندا دا، ددەمێ خودان کرن یان سەرژێرن یان بەرهەمئینانێ دا بەکتیریا دشێت بهێتە ڤەگوهاستن بو ناڤ بەرهەمێن خوراکی.

ئەو خوراکێن دی وەکی کەسکاتییا و فێقی و گیانەوەرێن دەریایێ دهێنە پیس کرن ب رێکا پەیوەندی دگەل پیساتییا مروڤان و گیانەوەران، بو نموونە پیساتییا گیانەوەران ئەوا دهێتە ب کارئینان بو بهێزكرنا ئاخێ بو بەرهەمئینانێ یان ئاڤا پیسا (مەجارییا).

هەروەسا دشێت بەلاڤە بیت ژ گیانەوەرێن ناڤمالێ وەکی (پشیک و سە) بو مروڤان یان ژ مروڤەکی بو مروڤەکێ دی ژ ئەگەرێ نەپاقژیێ.

کێمکرنا مەترسییا ژەهربوونا (سالمونیلا) ل مال

تو دشێی خو ب پارێزی ژ زور جورێن ژەهربوونا خوراکی ب دیڤچوونا شیرەتێن پاقژیا خوراکی

 

و هەروەسا یا گرنگە بهیچ ره‌نگه‌كێ ئاڤێن نەپاقژکری ژ بركا، ریبارا، جوکا نەڤەخوین.

و هەردەم شوویشتنا دەستان ب سابوون و ئاڤا تێن شیر ب باشی:

  • بەری ئامادەکرن یان خوارنا خوراکی
  • پشتی کارئینانا خوراکێن خاڤ
  • پشتی چوونا دەستئاڤێ
  • پشتی گوهورینا ( حەفازا ) زاروکان
  • پشتی دەستکرنا تەنەکێن گلێشی
  • پشتی دەستکرنا گیانەوەرێن ناڤمالێ و گیانەوەرێن دی